Vol. 1 No. 1 (2023): “Ommaviy axborot vositalarida til va uslub masalasi: tahlil, tasnif, qiyos”

O‘zbek tiliga Davlat tili maqomi berilganining 33 yilligi munosabati hamda O‘zbekiston Respublikasi Prezidentining 2019-yil 21-oktyabrdagi PF-5850-son “O‘zbek tilining Davlat tili sifatidagi nufuzi va mavqeyini tubdan oshirish chora-tadbirlari to‘g‘risida”gi, 2020-yil 20-oktyabrdagi PF-6084-son “Mamlakatimizda o‘zbek tilini yanada rivojlantirish va til siyosatini takomillashtirish chora-tadbirlari to‘g‘risida”gi Farmonida belgilangan vazifalar ijrosini ta’minlash maqsadida O‘zbekiston jurnalistika va ommaviy kommunikatsiyalar universiteti Bosma OAV va noshirlik ishi fakulteti O‘zbek tili va adabiyoti kafedrasi tomonidan O‘zbekiston Jurnalistlari ijodiy uyushmasi hamda Yozuvchilar uyushmasi hamkorligida 2023-yil 22-noyabr kuni  “Ommaviy axborot vositalarida til va uslub masalasi: tahlil, tasnif, qiyos” mavzusida xalqaro ilmiy-amaliy konferensiya o‘tkaziladi.

Anjuman ilmiy yo‘nalishi quyidagi sho‘balar asosida maqolalar qabul qiladi:

• medialingvistika nazariyasi va amaliyoti;
• adabiyotshunoslik muammolari va tarjima mahorati;
• notiqlik san’ati va nutq madaniyati;
• badiiy-publitsistik tahlil va tahrir;
• audiovizual jurnalistikada til va uslub masalasi.

Konferensiya ishchi tillari: o‘zbek, qoraqalpoq, rus, ingliz, turk.

Konferensiyani o‘tkazish tartibi:  joriy yilning 22-noyabr kuni soat 10.00da ZOOM dasturi orqali o‘tkaziladi.

Konferensiyada ishtirok etish shakli: yalpi/yo‘nalishlar bo‘yicha videoma'ruzalar; muhokamalarda ishtirok etish.