KIMYODAN LABORATORIYA MASHG’ULOTLARIDA TALABALARNING MUSTAQIL FAOLIYATINI RIVOJLANTIRISH SAMARADORLIGI

Abstract

Bugungi kunda o’tkazilayotgan pedagogik tadqiqotlar shuni ko’rsatatdiki, oliy o’quv yurtlari bakalavriat yo’nalishining “Kimyo” ixtisosligi bo’yicha ta’lim olayotgan talabalarning “Umumiy kimyo” kursini o’qish jarayonida, kimyo o’qitish metodikasi fanidan amaliy mashg`ulotlarda va pedagogik amaliyot davrida umumiy o’rta, o’rta maxsus, kasb-hunar ta’limi kimyosi mazmunidagi laboratoriya ishlari va eksperimentlarni mustaqil ravishda o’tkazish, ularni amalga oshisrishga ijodiy yondashishlarida ayrim kasbiy muammolar sezilmoqda. Bunday muammolarning tahlili, bo’lajak kimyo fani o’qituvchilarining laboratoriya mashg’ulotlarini mustaqil o’tkazish tayyorgarligi ko’nikma va malakalari yuqori darajada emasligini namoyon etadi. Bundan, umumiy o’rta, o’rta-maxsus, kasb-hunar ta’limi muassalarida kimyo fanini o’qitish jarayonida laboratoriya mashg’ulotlarini yuqori darajada olib borishda kamchiliklar tug’iladi. Bu esa, ta’lim oluvchilarda eksperimental malaka hamda ko’nikmalarning shakllanish darajasiga salbiy ta’sir ko’rsatmay qolmaydi.