RIVOJLANISH STRATEGIYASINI AMALGA OSHIRISHDA YAPONIYA TARAQQIYOT MODELIDAN FOYDALANISH

Abstract

Joriy yilning 11-sentabr kuni “O’zbekiston – 2030” strategiyasi to’g’risida farmon imzolandi. (PF-158-son).1 Ushbu O’zbekistonni 2030-yilgacha rivojlantirish strategiyasi 5 bo’limdan iborat bo’lib, 100 ta strategik vazifalarni o’z ichiga olgan. Albatta bu vazifalarni amalga
oshirish uchun jahonning boshqa mamlakatlari, xususan rivojlangan va yuqori suratlarda rivojlanayotgan davlatlarning taraqqiyot modellarini ko’rib chiqib, ulardan o’z modelimizga mos keladigan jihatlarini o’rganishimiz kerak. Shu nuqtai nazardan, dunyo aholisining 2 foizdan kamrog’iga ega, jahon yalpi ichki mahsulotining qariyb 16 foizini ishlab chiqaradigan va eng kuchli iqtisodiy davlatlar ro‘yxatida doimiy ravishda 2-o‘rinni egallab kelayotgan “Quyosh chiqar mamlakat” tajribasini O'zbekistonning rivojlanish strategiyasini amalga oshirishda foydali bo'lishi mumkin bo’lgan jihatlarini o’rganishimiz zarur. Shuni ta'kidlashni istardimki, ushbu maqolaning asosiy maqsadi Yaponiya rivojlanish modelini O'zbekiston iqtisodiyotiga to’g’ridan to’g’ri tadbiq etish masalasi, chunki Yaponiya iqtisodiyoti rivojlangan va faoliyat yuritayotgan muhit hozir juda o‘zgardi va bir paytlar Yaponiyada qo‘llanilgan usullarni mamlakatimizda to‘liq qo‘llash imkoni mavjud emas. Biroq, har bir davlat iqtisodiyotining xususiyatlarini hisobga olgan holda amalga
oshiriladigan iqtisodiy rivojlanishning asosiy tamoyillari mavjud.