QUTLOV OʻRNIDA

Abstract

Nizomiy nomidagi Toshkent davlat pedagogika universiteti jamoasi Sizni bugungi qutlugʻ yoshingiz bilan qizgʻin tabriklaydi. Barchaga maʼlumki, universitetimiz qariyb 90 yildirki, pedagog kadrlar tayyorlaydigan yetakchi oliy taʼlim tashkiloti sifatida samarali faoliyat yuritib kelmoqda. Bu dargohda mamlakatimiz va jahon miqyosida dovruq taratgan akademik-olimlar, professor-oʻqituvchilar ilmiy-pedagogik faoliyat yuritishadi. Zero mamlakatni barqaror rivojlanishidagi eng asosiy omillardan biri taʼlim-tarbiya, ilm va innovatsiya hisoblanadi. Bu vazifani amalga oshirishda ustoz va murabbiylarning oʻrni nihoyatda katta. Mamlakatimiz rahbarining 2022-yil 21-iyun kuni “Nizomiy nomidagi Toshkent davlat pedagogika universiteti faoliyatini takomillashtirish boʻyicha qoʻshimcha chora-tadbirlar toʻgʻrisida”gi Qarori ijrosini taʼminlash maqsadida jamoamiz bir yoqadan bosh chiqarib, maqsadli koʻrsatkichlarga erishishda jonbozlik koʻrsatayotgani sir emas.