OLIMNING YIGIT YOSHI

Abstract

Men Rahmatulloni qachondan beri bilishimni oʻylab hech koʻrmagan ekanman. Qarang, shunga ham qirq besh yil boʻlibdi. Birovning kimligini yaxshi anglash uchun bir pud tuzni birga yeyish kerak, deydi oʻrislar. Biz Oʻzbekiston Fanlar akademiyasi Til va adabiyot institutining yonma-yon joylashgan ikki boʻlimida ishlab, har kuni birga tushlikka chiqib, har bahorda pichan oʻrimi, yozda meva terish, kuzda paxta terimi, qishda esa ulkan muzxonalarda piyoz saralash kabi “umumxalq hashar”lariga qoʻsha boraverib, bu orada biron botmon tuzni teng hazm qilgan boʻlsak ham ajabmas.