BOLALAR ADABIYOTINING FIDOYI OLIMI

Abstract

Bugungi kunda bolalar adabiyotining kichkintoylar hayotida tutgan oʻrnini teran anglagan jonkuyar olimlarimizdan biri Rahmatulla Barakayevdir. R.Barakayev oʻzbek bolalar adabiyoti tarixi va hozirgi oʻzbek bolalar adabiyotining taraqqiyot tamoyillari, adabiy aloqalar, tarjima tarixi va nazariyasi boʻyicha taniqli mutaxassisdir. OʻzR FA Alisher Navoiy nomidagi Til va adabiyot institutida uzoq yillik samarali faoliyati davomida olim oddiy tadqiqotchidan fan nomzodi, professor darajasigacha, laborantlikdan institut ilmiy kotibi lavozimigacha boʻlgan yoʻlni bosib oʻtdi. Oʻzining turli yoʻnalishlarda olib borgan tadqiqotlari bilan ilmiy jamoatchilik eʼtiborini qozondi.