RAHMATULLA BARAKAYEV VA UNING OLIMONA FAOLIYATI

Abstract

Oʻzbek bolalar adabiyoti qanchalik boy va rang-barang boʻlmasin, bu dunyo oʻziga yarasha tadqiqotchilarga ega. Ayniqsa, bolalar adabiyoti tadqiqotchiligi Oʻzbekiston Fanlar akademiyasining Oʻzbek tili, adabiyoti va folklori institutida oʻz tarixiga ega. Ildizlari XX asr boshlari oʻzbek adabiyotshunosligiga borib taqaladigan zamnoviy adabiyotshunoslikning bir qanoti bolalar adabiyoti boʻlib kelgan. Bu sohada Homil Yoqubov, Salohiddin Mamajonov kabi ustod olimlardan tortib kuni kecha bu ulugʻlarning yoʻlidan borgan, mana bugun oʻnlab shogirdlar ardogʻida yurgan Rahmatulla Barakayevgacha oʻtgan olimlarning ilmiy oʻrni bor. Bir tomoni hozirgi Nizomiy nomidagi Toshkent davlat pedagogika universitetiga borib ulanadigan Abdulla Suyumovu Mamasoli Jumaboyevgacha va Pirmat Shermuhamedovdan tortib Yozuvchilar uyushmasidagi bolalar adabiyoti boʻlimi xodimlarigacha bu goʻzal adabiyotning tadqiqotchilari sanaladi. Oʻzbekiston bolajon davlat, shuning uchun ham bolalar adabiyoti doimo tadqiqot markazida turishi bizning yurtga begona emas.